DaLL'ALBA AL TRAMONTO

Ti senti el savor del mar de prima matina

el venteselo salmastro che porta sogni

de tere lontane?

E a mezozorno ti vedi el sol che bate

sui copi ciari e 'l sbrissa sora l'aqua

e 'l zoga a far speceti d'arzento e oro?

E al tramonto ti lo godi el fogo

che va zo verso Fusina fra nuvole rosse e viola

e col penelo pitura case camini altane

de porpora e amaranto?

Mi sì, lo sento, lo vedo e godo.