El codega (cotenna)


El pertegava in furia e la velada

fasendo 'na gran roda

scoava ne la piaza

le piere bianche e grise.

Ma el so paon che, vecio,

no ghe tegniva drio, 'in malorsega,

el fis-ciava fra i lavri e i pochi denti,

va pian, fiol d'un can, parcosa

di vol corar e slontanarte se ti ti fa da codega

e mi da corpo intiero?'

'Me so stracà, lustrissimo,

de farve ciari i passi!

Da quando go sentio che la pele

del grando Bragadin, da sola,

ga avuo un monumento in ciesa

e onori grandi e feste,

no speto più comandi

e fasso el voler mio!'


Iera detto 'codega' chi di notte doveva tenere il lume davanti al padrone.